पाऊस सख्या रे!
डोंगर माथ्यावर जसा,रेंगाळतो पाऊस
तसा तुझा माझा होऊन, उरतो पाऊस
आपल्या हास्यातून उधाणतो पाऊस
अन अश्रूतून गहिवरतो पाऊस....
रे !आपल्या पावसाला उनाडूदे थोडे.
त्याला ढगातच अडकू दे थोडे,
त्याचे येणे अचानक होऊदे
अन जाणे पण सावरूया थोडे....
माझ्यातला पाऊस,तुझ्याहून वेगळा
हलकाफुलका कवितेतला आगळा
तुझ्या माझ्यातल्या एकरूपतेतला
हरखून जाणारा लाजरा पाऊस...
तुझ्यातला पाऊस धीट,जशी चमकणारी वीज
तुझ्यातला पाऊस गडगडत,अलगद विसावणारा
अल्लड,बालिश पण संततधार
थोडा हट्टी,पण चिंब आनंद देणारा ....
'तुझे असणे',असा फक्त माझा पाऊस...
'निरंतर बरसणे' नको विसरून जाऊस
वाटले कधी जावे निघून तर,एकदाच हो,
माझ्या 'आठवणीत राहील इतके कोसळणारा पाऊस'....
-श्रिया (मोनिका रेगे ) --
मस्त बरसलाय पाउस
उत्तर द्याहटवाmast kavita.. Avadaleli he adhich sangitle hote,nahi ka ? :P
उत्तर द्याहटवाधन्यवाद सखी आणि संकेत....:)
उत्तर द्याहटवासखी पाऊस बरसून गेला कि खूप काही नवीन देऊन जातो....आणि मग तुला आणि मला कविता सुचते...
:)
उत्तर द्याहटवापाउसावर इतक सुंदर काव्य आणि मला आवडणार नाही अस होईल का ... :)
उत्तर द्याहटवाधन्यवाद दवबिंदू ....:)
उत्तर द्याहटवा