सुधारणा विशेष --- समाजाला खरच हे कायदे उपयोगी कि दिखाऊ!

SUPREME COURT OF INDIA

सकाळी उठले तेव्हां खूप साऱ्या विचारांची गर्दी झाली होती मनात, परवा एका मैत्रिणीशी बोलता बोलता जाणवले कि मातृभूमी बदलत चालली आहे.माझी मैत्रीण सुद्धा इकडे परदेशातच आहे. आम्हीं देशाबाहेर पडलो त्या दिवशी मातृभूमीचे ते दर्शन मनात चित्रित झाले, ते कायम राहिले.नंतर इतक्यांदा गेले देशात पण पाउल पहिल्यांदा बाहेर टाकले तेव्हाचा भारत लक्षात राहिला आहे.किती बदल!आणि का.....योग्य अयोग्य,अनेक प्रकारचा,सगळे जगच जिथे बदलते आहे,तिथे हे आलेच!

सुधारणा!म्हणून; इकडच्या काही गोष्टी ज्या खरच बरोबर आहेत त्या अनुसरणे बरोबर ठरले असते पण ते न करता ज्या गोष्टी आपल्याला नुसते modern,HI -FI, काहीतरी वेगळे करतो आहोत हि जाणीव देते तितकेच फक्त घेतो आहोत असे वाटले. 'एकत्र कुटुंब पद्धती',मग 'हम दो और हमारे दो' आणि आता सिर्फ 'हम दो ' ह्या जमान्यापर्यंत तर आलो खरे,ह्याही पुढे जाऊन मी ऐकले आहे कि,पाश्चिमात्य देशांतून घडत गेलेली कल्पना 'लिविंग टुगेदर',आता त्याला भारतात परवानगी देण्यात आली आहे कायद्याने....कायद्याला माफ करा आणि कृपया डोळे उघडे ठेवा,विचारांची दालने बंद करू नका हे सांगण्याची वेळ आली आहे का?हा कायदा भारतात पास होण्यापूर्वी अश्या तऱ्हेचे 'लिविंग टुगेदर' अनुसरले गेले असावे. माझी मैत्रीण तिने ह्या गोष्टीला अर्थात साफ नाकारले हे कसे चूक आहे ते सांगत होती ती.
असे का घडते आहे, सांगणे कठीण नाही पण नेहमीच जे नाकारले जाते आहे जे वेगळे वाटते आहे ते करून बघण्याकडे समाजाचा नाही म्हंटले तरी कल असतो.आणि आता तर ते कसे बरोबर हे पटवून पण देण्या इतकी म्हण्याला स्वतःचे स्वतः ठरवण्या इतकी सुधारणा भारतात घडते आहे .

आदर्श,चांगले लोकांसमोर ठेवणे न करता नुसती मनोरंजनाच्या नावाखाली चाललेली दंगामस्ती,उत्श्रुन्खलपणा, विनोद,अश्याने भरलेले आजचे चित्रपट,आता काही उत्तम चित्रपट पण आहेत पण खूप कमी.Originality का जपत नाहीत कळत नाही मला. नकला करायच्या, आणि मग कौतुक करून घ्यायचे त्याचे. चुकीच्या गोष्टींचा प्रसार ह्याप्रभावी माध्यमातून का केला जातो?किती साऱ्या गोष्टी व्यवस्थित करता येऊ शकतील पण कोणीच प्रयत्न नाहीये कारण सगळेच आपापल्या जगात व्यस्त आहेत! एका मोठ्या जगात प्रत्येकाचे आपले लहानसे विश्व.पूर्वी सगळे काही मिळत नसले तरी आपण भारतात originality जपून होतो. संस्कारांची originality, ......... 'अनुसरण कायदा 'आला न! खरेतर हा कायदा लोकांनी आणला. कपडे बदलले, सुरवातीला," नुसते कपडेच बदलले न! फार काय केले आम्हीं?"असे काही जण म्हणू लागले,"त्याने काय होईल काहीच नाही! आमचे विचार बघा आम्हीं योग्यतेच ठरवतो कुठे काही चूक नाही", कोट टोपी धोतर जाऊन 'shirt pant' आली खरी पण ती मग आता प्रताप दाखवून गेली.
आवड म्हणून अनुसरणे आणि कायम स्वरूपी म्हणून अनुसरणे ह्यात फरक आहे नक्कीच!

कळत नाही नक्की काय वाटून घ्यावे ह्या अश्या नवीन कायद्यांचे .....'समलिंगी विवाहांना परवानगी',अजून एक कायदा ,त्याही वर जाऊन अश्या जोडप्यांना दत्तक मुल घेता येईल असाही कायदा ....कोण जाणे ह्याचे फायदे काय आहेत समाजाला...पण कायदे मात्र अगदी जोरदार येताहेत. लोकजागृती म्हणतात ती हीच का? सगळेच अजब आहे! जुनाट विचार म्हणून ज्यांनी ह्याला विरोध केला त्यांची अवहेलना केली जाते आणि ज्यांनी ह्याला उचलून धरले त्यांच्या मनात पण किंतु असेल कदाचित पण परत तेच कि आम्हीं modern आणि सर्वांचा विचार करणार ह्या भूमिकेतून बदलते चष्मे लावत बदलत्या काळाला matching चष्मे लावावेच लागतात असे समजत पुढे जायचे का?

तुम्हाला काय वाटते?
-लेखिका श्रिया (मोनिका रेगे )